Eyjar 1982 - Árgangsmót 23.-24.júní 2006

Skemmtanalöggan

2006-06-28T02:04:00.000-07:00

Pistill skemmtanalöggunnar

Skemmtanahald á laugardeginum byrjaði með látum – vægast sagt þegar Eyjanefndin mætti í slökkviðliðsbúningum á brunabílnum niður á bátabryggju. Flestir bjuggust við að ferðinni væri heitið út á sjó en svo var nú aldeilis ekki. Heldur var farið í einni halarófu sem leið lá að Vöruval. Þar settist fólkið niður eins og prúðum leikskólabörnum sæmir en veigarnar sem boðið var upp á voru nú ekki við hæfi barna. Eftir að fólkið hafði rennt niður ópalinu var farið í slá í rass þar sem Nanna tók Gunnar Heiðar í bakaríið og sólaði fótboltakappann upp úr skónum. Það lá einnig við stórslysi þegar frænkurnar Þórey og Fanney lentu í harkalegum árekstri. Ekki var þó þörf á sjúkrabörum eins og þegar peyjarnir á HM slasa sig því stúlkurnar hörkuðu þetta af sér. Eitthvað virðist fólkið hafa haft samúð með Leó frá því nóttina áður því skyndilega voru allir komnir með plástra í framan – samúðarplástra. Síðan var haldið aftur af stað en þá var röðin tvöfalda eitthvað farin að riðlast til en komst fólkið þó heilu og höldnu í FÉLÓ þar sem rifjaðir voru upp gamlir taktar og farið var í hvísluleikin sem endaði með því að Leó varð samkynhneigður graðfoli. Myndaður var diskóhringur og voru rifjaðir upp gamlir taktar og trylltust stelpurnar þegar kom að laginu NO NO LIMIT. Gömlu pörin í árgangnum dönsuðu frá sér allt vit í diskóhringnum við mikla kátínu viðstaddra. Úr Féló var haldið í rútu sem brunaði með trylltan líðinn upp að krossi bak við Eldfellið sem er nú ekki frásögufærandi nema hvað að tveir unglingspiltar, Leó og Hannes gerðu sér lítið fyrir og flössuðu á túrista sem áttu leið hjá. Einn af þessum gerði sér einnig lítið fyrir og lét krossfesta sig eða svona næstum því. Eftir þetta pissustopp var haldið í Herjólfsdal að gefa öndunum á tjörninni brauð. Myndarfólk þar á ferð greinilega. Endaði ferðin síðan á kapphlaupi milli Barna- og Hamarsskóla þar sem Hamarsskóli vann með miklu yfirburðum enda miklir íþróttafrömuðir þar á ferð. Svona svona Barnaskóli þið gerið bara betur næst – heyri enn í vælinu í þeim.

Það voru síðan ýmsar furðuverur sem fóru á kreik rétt eftir kvöldmatarleytið á laugardagskvöldið. Eyjanefndin náði að plata liðið upp á flugvöll þar sem allir skráðu sig í flugvélar. Manni leyst nú ekki á blikuna þegar sjálfur Serial-Killer, a.k.a. Steini “Brad” Pitt mætti á svæðið með flökunarhníf í Cheriospakkanum. Þegar Killer-Bunny, a.k.a. Hjalti K. gerði sér síðan lítið fyrir og tók hnífinn úr kassanum og fór að sveifla honum var gripið til þess ráðs að kalla á lögregluna sem fylgdi furðuverunum öllum í draugabæinn Dalabú. Í Dalabúinu beið kennarasveitin til að sjá til þess að börnin í grímubúningunum fengju að borða en þau Jóhanna Njáls og Bjössi Ella grilluðu handa okkur ljúffengar pylsur og hamborgara. Maturinn rann vel niður og voru meira að segja sumir svo saddir að þeir þurftu að leggja sig eftir matinn og það engan smá lúr því Hjalti K lagði sig í tvo tíma fram á borðið.

Til að byrja með var nú einhver kuldahrollur í liðinu en Kolli gerða heiðarlega tilraun til að hita sig upp en fór heldur frumlegar leiðir í þeim efnum. Gerði hann sér lítið fyrir og settist á eitt útikertið með þeim afleiðingum að buxurnar stóðu í ljósum logum eða það hélt hann a.m.k. svo hann reif sig úr brókunum á örskotri stuni við mikla kátínu viðstaddra. Það kom sér vel að á staðnum voru skurðlæknarnir Nanna og Rannveig og hjúkkan Eddy því eitthvað virðist fólk hafa átt erfitt með að fóta sig á gólfinu í draugahúsinu. Líklega var það vegna myrkurs eða Rósa Konný stendur a.m.k. í þeirri trú að myrkrið hafi gert henni erfitt fyrir því hún flaug ekki einu sinni á hausinn heldur tvisvar. Kannski að djöflarnir She-Devil og He-Devil, Þórey, Alla og Leó hafi haft þessi áhrif þarna. Búningakeppnina sjálfa unnu hins vegar Napóleon Bonaparté og kona hans, a.k.a. Gunnar og Bjarný. SVINDL eða það fannst Grimmhildi Grámann, a.k.a. Inga, því hún rauk heim í aðra skó!!!

Það viðbjóðslegasta sem átti sér stað þetta kvöld var þegar tennur Dany Crane, a.k.a. Grettir, fóru gjörsamlega upp í annan hvern mann þarna á staðnum – fólk sem sagt japlaði á slefinu úr hvort öðru. OJJJJJJ. Það sem stóð upp úr þetta kvöld voru þeir Elvis Presley, a.k.a. Hemmi og hans djöfull Leó þegar þeir tóku gítarinn og spiluðu fyrir okkur hin af algjörri snilld.

Kvöldið mitt endaði með pizzu á Pizza 67 sem var skrifuð á Villa Bakara sem er ekki einu sinni til en pizzan var góð.

Takk fyrir frábæra helgi og ég mæli með því að næsta árgangsmót verði haldið eftir 5 ár en til þess að svo verði þarf einhver að bjóða sig fram í að hóa saman í nefnd til að skipuleggja þetta. HVER BÝÐUR SIG FRAM Í ÞAÐ???

Skemmtanalöggan kveður að sinni

Lilja Björg

Minni á allar myndirnar sem eru komnar inn og látið okkur hin vita ef þið eruð búin að setja ykkar myndir inn.

http://community.webshots.com/user/eyjar1982

http://hjalti82.myphotoalbum.com/albums.php

Skemmtanalöggan

2006-06-26T08:38:00.000-07:00

Dagbók Lögreglunnar

Skemmtanahald fór vel fram í Vestmannaeyjum um helgina. Mest fór þó fyrir árgangi 1982 þar sem þau komu saman á föstudeginum í bekkjarpartýum hjá Kollu og Ingu. Gretti tókst á einhvern óskiljanlegan hátt að hella úr heilum bjór innan í ermina á sér þegar hann lagaði ermahnappana. Kolla hefur þegar lagt fram kæru á hendur Gretti fyrir eignarspjöll á sófanum. Að öðru leyti fóru bekkjarpartýin vel fram fyrir utan það að nágrannar hringdu í Lögregluna vegna hávaða frá húsi Ingu í Hrauntúninu þegar krakkarnir sungu eitthvað um Hamarsskólabeljur.

Þegar í Alþýðuhúsið kom virðist sem fólk hafi tekið inn örvandi efni því flestir áttu erfitt með að sitja kjurir og var m.a. slökkviliðið kallað út af nágrönnum við Alþýðuhúsið þar sem mikinn reyk lagði frá húsinu. Í ljós kom að tæplega 40 manns stóðu úti að reykja. Skemmtanahald fór vel fram í Alþýðuhúsinu og reymdu margir á sig dansskóna, t.a.m. Hannes sem dansaði holu í gólfið og að ógleymdum Kolla sem sá til þess að þeir sem löbbuðu yfir dansgólfið runnu vel í bjór. Kolli sá einnig til þess að stelpurnar áttuðu sig á því að þær hefðu brjóst. Hafa þegar borist nokkrar kærur á hendur Kolbeini vegna kynferðislegrar áreytni. Kolli tók Hrafnhildi að lokum í létta sveiflu sem endaði með ósköpum en Hrafnhildur hefur jafnað sig á fallinu sem betur fer. Leó gerði líka sitt í dansinum en hann tók Öllu í létta sveiflu sem endaði í gólfinu en það fór betur en á horfðist.

Eftir dansinn inni í Alþýðuhúsi hópuðust krakkarnir fyrir utan húsnæðið þar sem margt fékk að fljúga, meira að segja Hjalti Einarsson fékk að fljúga eftir að Leó, a.k.a. Tyson, fékk þá flugu í hausinn að sýna hvað hann væri sterkur og gæti lyft ekki minni manni en Hjalta. Það endaði þó allt saman vel, a.m.k. hjá Hjalta. Leó lét ekki við staðar numið og skyldi eftir handafarið sitt á Stakkó. Ekki þó í gangstéttarhellu eins og í Hollywood heldur í gámi sem þar stóð. Lögreglan þurfti hins vegar enginn afskipti að hafa af manninum þar sem drengurinn bað gáminn samstundis afsökunar á hegðun sinni.

Á heimleið eftir skemmtun næturinnar gerðust ýmsir furðulegir hlutir. Lögreglan þurfti að hafa afskipti af dóttur lögreglustjórans, Hjördísi a.k.a. pönkarinn, þar sem hún var staðin að tilraun til innbrots að Kirkjubæjarbraut. Það var hins vegar hinn mesti misskilningur þar sem Hjördís hafði vilst af leið. Hélt hún að hún væri orðin 17 ára aftur og að foreldrar hennar byggju enn að Kirkjubæjarbraut en hefðu ekki flutt í Áshamar sem er í hinum enda bæjarins. Stúlkan komst því heil heim í lögreglufylgd. Hún var ekki sú eina sem lenti í vandræðum á leiðinni heim. Áðurnefndur Leó vaknaði á laugardagsmorguninn allsnakinn í sófanum heima hjá sér og alblóðugur í framan. Hafði Leó strax samband við neyðarmóttöku nauðgana á Heilbrigðisstofnun Vestmannaeyja en eftir rannsókn kom í ljós að Leó hafði farið einn heim en hefði hins vegar fengið gat á ennið þegar hann datt beint á andlitið með fyrrgreindum afleiðingum. Leó fékk því plástur á ó-óið. Rannsókn á þessu er því lokið.

Annað sem gerðist á föstudeginum verður ekki gert opinbert enda er það trúnaðarmál – flestir ef ekki allir lentu á trúnó þetta kvöld!!!!

Þetta var hins vegar aðeins föstudagskvöldið og á lögreglan enn eftir að gera skýrslu af laugardeginum sem verður gerð opinber á morgunn.

Takk fyrir frábært föstudagskvöld

Kveðja Lilja skemmtanalögga # 1

2006-06-22T06:28:00.000-07:00

Minnum á:

Söngvatnið
Búningana
Góða skapið
Sólina
já og ekki gleyma mökum ykkar!

Nýjustu fréttir frá ÁTVR eru að mikil aukning sé í sölu sem rekja má til þeirra sem fæddir eru á því herrans ári 1982 !

Nýjustu fréttir af búningamálum eru ansi skrautlegar og eigum við eftir að hitta ansi marga karektarana!!

Þetta er að bresta á !

2006-06-21T05:49:00.000-07:00

Ekki á morgun.......HELDUR HINN!!

Nú er allt saman að smella... sólin farin að skína okkur til heiðurs og skv. Sigga Stormi mun hún skína á okkur um helgina líka !

Gaman væri að fólk myndi nú aðeins melda sig í kommentakerfið og gera stemmninguna enn magnaðari !

þessi helgi verður alveg mögnuð þar sem 60 manna eðalhópur mun skemmta sér eins og enginn sé morgundagurinn!

2006-06-19T02:24:00.000-07:00

Skemmtiatriði!!

4 dagar eru í árgangsmótið !! Vúhú.

Þeir sem eru tilbúnir til að vera með e-r skemmtiatriði, segja skemmtilegar sögur eða annað eru endilega hvattir til þess að senda okkur póst á eyjar1982@gmail.com eða að tala við e-n í nefndunum. Erum opin fyrir öllu og gaman væri að heyra frá sem flestum !!

ÁRÍÐANDI

2006-06-18T16:14:00.000-07:00

Aðeins eru nokkrir dagar í að fjörið hefjist:)

Nauðsynlegt er að þessar upplýsingar komist til skila til allra sem málið varða:

Föstudagur

Mæting í bekkjarpartý kl. 17.00 til:
Kollu (Hamarsskóli): Fjólugata 1
Ingu Magg (Barnaskóli): Hrauntún 25
Bekkjarpartýin eru án maka en makar mæta í Alþýðuhús þar sem húsið opnar kl. 20.00

Laugardagur

Óvissuferð kl. 15.00 í fötum eftir veðri (sjá dagskrá hér að neðan)
Óvissuferð er án maka
Eftir óvissuferð fer fólk heim að klæða sig í BÚNINGA - GRÍMUBÚNINGA EÐA ANNARS KONAR MÚNDERINGU
Mæting ásamt mökum í BÚNINGUM upp á flugvöll kl. 20.00

MUNA SVO EFTIR GÓÐA SKAPINU:)

2006-06-12T02:54:00.000-07:00

Dagskrá laugardagsins

Mæting kl. 15 í óvissuferð á smábátabryggjuna.
Það verður margt brallað í óvisssuferðinni og er vissara að koma klæddur eftir veðri. Auðvitað má koma með Góða drykki með sér í óvissuferðina. Gert er ráð fyrir að henni ljúki um kl.17:00-17:30. Þá er bara að skella sér heim og græja sig fyrir kvöldið. Mæting upp á flugvöll kl. 20:00 (Tímalega) en þemað um kvöldið er Grímubúningar. Því er nauðsynlegt að fólk fari að finna til búning.
Verðlaun fyrir flottasta búningin!!

2006-06-09T04:32:00.000-07:00

2 vikur !!

Þetta styttist!!

Dagskráin verður nokkurn veginn svona:

Föstudagur:

Skólarnir hittast í svokölluðum "bekkjarpartýjum" Kl.17

Hamarskóli hittist heima hjá Kollu í kjallaranum á Fjólugötu 1

Barnaskólinn hittist heima hjá Ingu á Hrauntúni 25

Þessi partý eru fyrir krakkana í árgangnum.

Mæting er síðan í Alþýðuhúsið kl 20.30 þar sem makar hitta okkur. Þar verður, matur, skemmtiatriði og diskótek.

Laugardagur:

Óvissuferð hefst kl 15 og er mæting á smábátabryggjuna! Tímanlega.

Annað á eftir að koma í ljós þennan daginn, en endað verður á grilli og stemmningu!

Endilega að fara að greiða lokagjaldið og spara kraftana fyrir þetta brjálaða stuð... þetta verður GEÐVEIKT!

2006-06-02T04:27:00.000-07:00

3 VIKUR !!!

eru ekki allir að fara úr límingunum af spennu ??

Styttist í að drög að dagskrá verði birt á síðunni.

Nú á að fara að greiða lokagjaldið, sem er 5 þús. þeir sem hafa nú þegar borgað staðfestingargjaldið (1500kr) borga því 3500kr á mann.
þeir sem hafa ekki enn borgað staðfestingargjald þurfa því að borga 5 þús krónur á mann.

Reikningsnúmer 1167-05-1982
Kennitala 200982-4529

2006-05-26T06:47:00.000-07:00

í dag eru

4 VIKUR = 28 DAGAR

í fjörið !!

Mánuður í fjörið

2006-05-24T04:19:00.000-07:00

24. maí í dag sem segir okkur að það er aðeins mánuður í herlegheitinJ Ég er orðin gasalega spennt fyrir þessu og vona að það sama gildi um ykkur hin. Rúmlega 50 manns hafa greitt staðfestingargjald en við sáum nú að það voru sumir ekki búnir að borga sem komast ekki upp með að mæta ekki!!! Hvet því alla þá sem ekki hafa borgað að gera það hið fyrstaJ Það er ekki of seint en því fyrr því betra. Síðan setjum við fljótlega inn tilkynningu um lokagjaldið sem á að greiðast 2. júní. Fólk verður því að fylgjast með hérna á síðunni okkar um mánaðarmótin og sjá hvaða upphæð það verður.

Skipulagsnefndirnar hafa fundað núna síðustu daga og er allt á fullu í planleggingum og gríðarlega mikil spenna ríkir yfir óvissuferðinni sem nefndin í eyjum hefur verið að skipuleggja. Enda kannski ekki von á öðru en einhverju stórfenglegu þar sem enginn önnur en Ingveldur Magnúsdóttir hláturdrottning allra tíma er þar á meðal skipuleggjanda. Annars er þetta ennþá bara svona á fyrstu stigum plana og erum við bara að reyna að landa stórum samningum við merkismenn hér á landi sem hafa óskað eftir því að fá að koma og taka þátt í fjörinu með okkur. Þjóðhátíðarnefnd hefur m.a. haft samband við okkur og beðið okkur um að vera ekki að stela senunni af þeim. Þjóðhátíðarhljómsveitirnar hafa margar hverjar gefið þá útskýringu til þeirra að þeir komi ekki að spila á þjóðhátíðinni þar sem önnur og mikilvægari hátíð sé í vændum sem þeir ætli að leggja megináherslu á þetta sumarið. Við hins vegar ætlum að gera þessa hátíð okkar 1982 árgangs þá eftirminnilegustu allra tíma en hins vegar mun þjóðhátíðin að sjálfsögðu áfram vera þjóðhátíð allra landsmanna þar sem aðeins takmarkaður aðgangur er að árgangsmóti 1982.

Hef þetta ekki lengra í bili EN núna er SKYLDA að kvitta reglulega í comments / gestabók svo við sjáum nú hverjir kíki hingað inn reglulega. Svo getur líka bara oft skapast skemmtilegt spjall á commentakerfinuJ Minni svo fólk á að fylgjast með um mánaðarmótin þegar komin verður lokagjald á árgangsmótið.

Bestu kveðjur
Lilja Björg

Elska þessa mynd !!!

2006-05-11T09:42:00.000-07:00

Ég bara varð að setja þessa mynd hérna inn til þess að leyfa ykkur að sjá hana stærri en í albúminu (getið smellt til að sjá stærri mynd)

Annars eru 50 manns búnir að borga á árgangsmótið svo þetta er allt saman að smella !

43 dagar í fjörið !!

Fleiri myndir

2006-05-05T14:09:00.001-07:00

Kolla sendi mér nokkrar myndir í viðbót. Finnið þær hér !

Er ekki e-r úr barnaskólanum til í að fara að skanna inn myndir eða þá að koma myndum til Kollu ??

Annars er enn ekki of seint að borga staðfestingargjaldið, endilega ath hvort vinir ykkar séu búnir að borga. Mjög mikilvægt að sjá hver heildarfjöldinn verður áður en allt verður fullklárað !

Búið er að greiða fyrir 43 einstaklinga !

49 dagar í árgangsmótið!!

2006-04-28T07:34:00.000-07:00

MINNUM Á

að staðfestingagjald á að greiða í síðasta lagi 1.mai !

reikning nr 1167-05-1982 k.t. 200982-4529

Staðfestingagjaldið er 1500kr á mann, þannig að ef maki kemur með skal greiða 3000kr!

2006-04-25T07:09:00.000-07:00

Bekkjarmyndir komnar í hús frá Hamarskólanum

Sjáið þær stærri hér í albúminu !! Nú er bara að bíða eftir myndum frá "hinum bekknum" í Barnaskólanum.... og það gildir sama núna. Skylda að kvitta þegar búið er að skoða myndirnar :-)

Það er skylda að kvitta þegar búið er að skoða myndirnar !

2006-04-19T17:20:00.000-07:00

Bekkjarmyndir frá Barnaskólanum

Stubbi

4. Bekkur (held ég)

7. Bekkur

Þið getið smellt á myndirnar til þess að sjá þær stærri. Það er heldur ekkert grín þetta með að það sé skylda að kvitta :)

2006-04-16T07:24:00.000-07:00

Fékk beiðni um að sýna myndir af fólkinu eins og það lítur út í dag ! Fann e-r örfáar... Finnið þær hér! Megið endilega senda myndir á mailið okkar ef þið viljið vera með :-)

2006-04-14T15:23:00.000-07:00

Ákvað að skella inn listanum með nöfnum og heimilisföngum hingað inn. Endilega að skoða hann til þess að sjá hvort þið séuð ekki örugglega á honum og hvort heimilsföng séu rétt. Endilega líka að ath hvort þið sjáið e-a vitleysu í þessu. Okkur vantar allavega heimilisföng hjá 4 aðilum, og ef þið getið hjálpað til með það væri það meira en vel þegið. Skelli inn bréfinu sem var sent út líka !
Vil svo minna fólk á að borga staðfestingagjaldið svo við sjáum c.a. hversu margir eru að fara að láta sjá sig!! Hafið það gott um páskana elskurnar!

Nafnalistinn !

Bréfið !

2006-04-11T09:06:00.000-07:00

Útbjó enn einn MSN lista.

Þeir nýju sem eru að kíkja inn þessa dagana ættu endilega að kvitta í gestabók, komment eða eitthvað! Gaman að sjá hverjir eru að kíkja í heimsókn!

2006-04-05T17:41:00.000-07:00

Jæja allt að gerast! Loksins kominn teljari á síðuna svo það er hægt að fylgjast með hversu duglegt fólkið er að kíkja á síðuna!
Bréf mun fara í póst fyrir helgi, svo að ef þið fáið ekkert bréf, endilega látið vita... Erfitt hefur reynst að hafa uppá sumum!

Ætla að bæta síðuna e-ð í páska"fríinu" og ef þið hafið einhverjar hugmyndir hvað þið viljið sjá, er orðið ykkar í kommentakerfinu... gestabókinni... eða bara senda okkur mail á eyjar1982@gmail.com!

endilega láta í sér heyra gott fólk!

10 ára fermingarafmæli - ÁRGANGSMÓT

2006-03-24T05:07:00.000-08:00

Smá innlegg hér...

10 ára fermingarafmæli!!!!

Mér finnst ekki eins og það séu komin 10 ár síðan ég fermdist!!! Hvað með ykkur??? Er þetta merki þess að við erum að eldast? neh... ætli það:) Við erum nú bara rétt rúmlega tvítug og á besta aldri, rétt að skríða úr eggjum og ný búið að slíta á naflastrenginn frá foreldrum okkar. Sumir kannski enn á hótel mömmu svo þessi 10 ár eru ekkert sem við þurfum að óttast:) Heldur fögnum við þessum áfanga:) Ferming er stór áfangi fyrir þá sem taka þá ákvörðun að fermast og nú er komið að næsta áfanga í lífi okkar: ÁRGANGSMÓT:)

Skipulagning árgangsmótsins sem halda á helgina 23.-24. júní er í fullum gangi og stefnir í heljarinnar skemmtun:) Ekki láta þá skemmtun framhjá ykkur fara - þið getið því farið að undirbúa ykkur strax fyrir þetta mót:)

Bless í bili - Lilja Björg (liljaba02@ru.is)

2006-02-28T10:08:00.000-08:00

Nýr MSN listi !!

Jæja, skellti nýjum aðilum á msn listann... loksins! Síðan auglýsi ég aftur eftir fleiri myndum... Kolla er svo elskuleg að vera ready að skanna þær inn!!

Krakkar þetta styttist...114 dagar held ég alveg örugglega!!

listinn er hér!

2006-02-19T17:07:00.000-08:00

Jæja Kolla er alveg að standa sig í því að skanna inn myndir ! Ég var að bæta einhverjum af þeim á netið... fóru því miður óvart í gamalt albúm... en þær byrja hér ! Njótið!
Já og Kolla er tilbúin að skanna inn myndir frá barnaskólagenginu... svo þið ættuð endilega að koma til hennar myndum!

2006-02-07T16:38:00.000-08:00

Listi Yfir Msn hjá fólkinu: Hér

Láttu vita ef þú vilt komast á, eða fara af listanum.

2006-01-31T16:33:00.000-08:00

Dagsetning hefur verið ákveðin!!

Þá hefur verið ákveðið að árgangsmótið okkar mun fara fram dagana 23.-24. júní.

Vil einnig minna ykkur á mailið okkar eyjar1982@gmail.com . Ætla að útbúa lista með msn og gsm númer hjá þeim sem vilja, svona ef einhver vill komast í samband við gömlu félagana þá er fínt að hafa allt þarna á sama stað!

Þetta verður BARA gaman!!

2006-01-25T05:29:00.000-08:00

Jæja jæja!
Hvernig væri að nefndir færu að fara að hittast? Til að hægt sé að fara að senda út miða til liðsins sem hefur verið með okkur í bekk.

Lilja var búnað bjóðast til að bjóða rvk-nefndinni til sín. Hvenær hentar fólki að hittast? Ég get hist flest kvöld (nema föstudags!!!) og svo laus á sunnudögum t.d .

Hvernig er svo með eyjanefndina??

kkv.Hjördís

Örfáar myndir

2006-01-03T10:18:00.000-08:00

Setti inn HEILAR 9 myndir frá fyrsta fundi. Bíð svo bara eftir að fá sendar fleiri myndir. Er svona að vinna í síðunni og endilega látið vita hvað þið viljið sjá á henni.

Myndirnar eru HÉR.

Fyrsti fundurinn...

2005-12-27T17:26:00.000-08:00

Jæja þá hefur fyrsti fundurinn verið haldið hjá árgangnum. Rúmlega 20 manns létu sjá sig sem er nokkuð gott. Það sem farið var yfir:

1.Tvær dagsetningar valdar, 23-25 júní og 7-9 júlí. Ætlum að hafa kosningu hér á síðunni með það hvor helgin verður valin. Kosið verður með því að senda mail.

2.Kosið í 2 nefndir, Eyjanefnd og Rvknefnd,

Eyjanefnd:

Kolla
Sindri
Helga Björk
Inga Magg -bættist við! Ánægð með þig :-)
Hannes
Arnar
Ása Hrönn
Hlynur

Rvknefnd:

Hjalti
Þórey
Trausti
Hrafnhildur
Lilja
Sísí
Hjördís

3. Kolla tók að sér að fá nafnalista yfir alla þá sem hafa verið með okkur í bekk og ákveðið að senda sem fyrst út bréf til að minna á árgangsmótið og um kosninguna hvenær eigi að halda það.

Þetta var svona það helsta. Einnig var ákveðið að nefndirnar tvær ynnu saman og að rvknefndin sæi um annað kvöldið og eyjanefndin um hitt kvöldið.

Erum komin með mail, eyjar1982@gmail.com sendið allt þangað sem þið viljið að berist til okkar. Einnig ef þið viljið gefa upp gsm númer og msn. Ætla að útbúa lista yfir það, látið mig því vita hvort þið viljið vera á þeim lista eða ekki.

Vona að sem flestir verði virkir í kommentum... og mæti svo á árgangsmótið.

Verið dugleg að láta fólk vita um síðuna því þar fara helstu samskiptin fram.

2005-12-25T12:25:00.000-08:00

Jæja elskurnar! Ég var búin að lofa myndum. Kolla dreif sig í að skanna inn og ég skelti e-m myndum á netið.. í e-u virkileg furðulegu forriti.En til að svíkja ykkur ekki alveg... þá hef ég skelt myndunum hennar Kollu inn á netið... gerum þetta allt betra þegar nær dregur.

Fundur á Conero 27.Des kl 20.30. Látum öll sjá ykkur!!!

MYNDIR HÉR

2005-11-08T12:54:00.000-08:00

Jææææææææja.... einhverjir sem kíkja hér enn inn??Ég allavega að fara að snúa upp á minn aðila sem "á að" skanna inn fyrir mig myndir. Það hljóta nú fleiri að eiga myndir sem þeir geta skannað inn?? Væri reyndar löngu búin að skanna ef ég kynni á þennan skanna minn. Var annars að átta mig á hvað það er "stutt" í árgangsmótið. Er ekki ráð að halda einn fund í eyjum milli jóla og nýárs því þá eru svo margir á eyjunni og svo annan í rvk í jan fyrir þá sem ekki koma til eyja?? Endilega tjáið ykkur hvenær þið kæmust á fund... hvort fólk verði öll jól eða kannski bara áramót o.s.frv?? Tjáið ykkur í komment eða á litla spjallinu..... þetta verður svo gaaaaaaaaaaaaaaaaman!

2005-09-15T18:08:00.000-07:00

Jæja... ég skellti inn könnun á síðuna... en bíð eftir að fleiri kvitti í gestabókina svo ég fari að henda inn myndum hingað inn...koma svo allir með :)

2005-08-13T13:56:00.000-07:00

Hér með gef ég ykkur það loforð að þegar 15 nýir aðilar verða búnir að kvitta í gestabókina, mun ég skanna inn gamlar myndir og sýna ykkur!
Svo endilega berið út boðskap síðunnar....

2005-08-08T10:58:00.000-07:00

Ég er hreint út sagt brjáluð... gestabókin er hætt að virka... ætla að henda inn nýrri og vona að allir sem kvittuðu í hina, geri slíkt hið sama í þessa :)

Annars er ég að spá hvenær fólk vilji halda árgangsmótið? Hvaða tíma ársins... segið endilega skoðun ykkar í kommenti eða í gestabókinni!

(já og ef það vantar heimasíðuna þína, eða hjá barninu þínu... endilega sendu mér mail, hjordij@hi.is)

2005-06-10T14:34:00.000-07:00

Hey! mér finnst ég hafa heyrt um allt of marga sem hafa kíkt inn á síðuna en ekki látið vita af sér!
Endilega setið e-ð í komment...gestabók eða á tag-boardið... takk takk ;)

2005-06-07T07:59:00.000-07:00

Well well well... þá er að koma smá mynd á þetta. Fann voða fáa bloggara í árgangnum, svo ef þið vitið um e-a fleiri. Endilega látið mig vita. Eins með börnin... alveg eftir að setja þau inn... endilega deilið með mér heimasíðum þeirra :) Ef þið farið með píluna yfir nöfnin sjáiði hvað viðkomandi er að fást við... munið svo eftir að skrifa í gestabókina og láta alla í þessum litla árgangi vita af síðunni. Veit að ákveðin manneskja í Noregi er þegar farin að leggja fyrir til að komast á árgangsmótið svo það er eins gott að mætingin verði góð :)

Kæru jafnaldrar...

2005-06-06T12:24:00.000-07:00

...þá er komið að því. Árgangur 1982 úr eyjum er kominn með blogg. Er ekki örugglega stefnt að því að halda árgangsmót næsta sumar??